Warning: getimagesize(http://dl.dropbox.com/u/57996200/bigimages/0202.jpg) [function.getimagesize]: failed to open stream: HTTP request failed! HTTP/1.1 404 Not Found in /var/www/hram-burdino.ru/data/www/hram-burdino.ru/calendar/clnd_s4.php on line 485

Воскресенье 15 февраля 2015 / 2 февраля 2015

Неделя о Страшном Суде (мясопустная). Глас третий.

Сретение Господа нашего Иисуса Христа.
Сщмч. Василия пресвитера, мч. Михаила (1938).
Св. Анфимус Хиосский (1960).
Новомч. Иордана Трапезундского (Греч.).
Новомч. Гавриила Константинопольского (Греч.).
Мч. Агафодора Каппадокийского (Греч.).

Чтения дня

1 Коринфянам 8:8-9:2
Матфея 25:31-46
Луки 2:25-32 (на утрене)
Евреям 7:7-17 (Сретению)
Луки 2:22-40 (Сретению)

Неделя о Страшном Суде. Кондак, глас 1.
Егда́ прии́деши, Бо́же, на зе́млю со сла́вою,/ и трепе́щут вся́ческая:/ река́ же о́гненная пред суди́щем влече́т,/ кни́ги разгиба́ются, и та́йная явля́ются:/ тогда́ изба́ви мя от огня́ неугаси́маго/ и сподо́би мя одесну́ю Тебе́ ста́ти, Судие́ пра́веднейший.

Тропарь воскресный, глас 3.
Да веселя́тся Небе́сная,/ да ра́дуются земна́я,/ я́ко сотвори́ держа́ву/ мы́шцею Свое́ю Госпо́дь,/ попра́ сме́ртию сме́рть,/ пе́рвенец ме́ртвых бы́сть;/ из чре́ва а́дова изба́ви нас,/ и подаде́ ми́рови ве́лию ми́лость.

Богородичен, глас тойже.
Тя хода́тайствовавшую спасе́ние ро́да на́шего,/ воспева́ем, Богоро́дице Де́во:/ пло́тию бо от Тебе́ восприя́тую Сын Твой и Бог наш,/ Кресто́м восприи́м стра́сть,/ изба́ви нас от тли я́ко Человеколю́бец.

Кондак, глас тойже.
Воскре́сл е́си днесь из гро́ба, Ще́дре,/ и нас возве́л еси́ от врат сме́ртных;/ днесь Ада́м лику́ет, и ра́дуется Éва,/ вку́пе же и проро́цы с патриа́рхи воспева́ют непреста́нно/ Боже́ственную держа́ву вла́сти Твоея́.

Сретение Господа нашего Иисуса Христа. Тропарь, глас 1.
Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды, Христо́с Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,/ да́рующаго нам воскресе́ние.

Кондак, глас 1.
Утро́бу Деви́чу освяти́вый Рождество́м Твои́м,/ и ру́це Симео́не благослови́вый,/ я́коже подоба́ше, предвари́в,/ и ны́не спасл еси́ нас Христе́ Бо́же,/ но умири́ во бране́х жи́тельство,/ и укрепи́ лю́ди, и́хже возлюби́л еси́, Еди́не Человеколю́бче.