Warning: getimagesize(http://dl.dropbox.com/u/57996200/bigimages/1001.jpg) [function.getimagesize]: failed to open stream: HTTP request failed! HTTP/1.1 404 Not Found in /var/www/hram-burdino.ru/data/www/hram-burdino.ru/calendar/clnd_s4.php on line 485

Среда 14 октября 2015 / 1 октября 2015

Седмица 20-я по Пятидесятнице. Глас вторый.
Пост. Разрешается рыба

Покров Пресвятой Богородицы.
Ап. от 70-ти Анании (I).
Прп. Романа Сладкопевца (ок 556).
Прп. Саввы Вишерского, Новгородского (1461).
Сщмч. Алексия пресвитера (1918).
Сщмч. Михаила пресвитера (1920).
Сщмчч. Александра, Георгия, Николая пресвитеров, мч. Иоанна (1937).
Новомц. священника Измаила Рождественского Стрельнского (Ст. Петерсбург) (1938).
Прмч. Феодора (1940).
Мч. Домнина Солунского (IV).
Прмч. Михаила, игумена Зовийского, и с ним 36-ти преподобномучеников (780-790).
Празднование в честь Хитона Господня и Столпа Животворящего в Мцхете (Груз.).
Люблинской, Псково-Покровской, Касперовской, Браиловской, Гербовецкой и Барской икон Божией Матери.
Прп. Иоанна Кукузеля, Афонского (Греч.).
Прп. Григория доместика, Афонского (Греч.).
Прп. Баво, покровителя Гарлема (Нидерл.).
Св. Ремигаса Ремского, апостола франков (533).
Св. равноапостольного царя Мириана и царицы Наны, св. Сидонии и священника Абиатара (Груз.).
Св. Мелчизедека католикос-патриарха грузинского (XI) (Груз.).
Мч. принца Милора Британского.

Чтения дня

Луки 1:39-49, 56 (на утрене)
Евреям 9:1-7 (Богородице)
Луки 10:38-42; 11:27-28 (Богородице)

Покров Пресвятой Богородицы. Тропарь, глас 4.
Днесь благове́рнии лю́дие све́тло пра́зднуем,/ осеняе́ми Твои́м, Богома́ти, прише́ствием,/ и к Твоему́ взира́юще пречи́стому о́бразу, уми́льно глаго́лем:/ покры́й нас честны́м Твои́м Покро́вом/ и изба́ви нас от вся́каго зла,/ моля́щи Сы́на Твоего́, Христа́ Бо́га на́шего,/ спасти́ ду́ши на́ша.

Кондак, глас 3.
Де́ва днесь предстои́т в це́ркви/ и с ли́ки святы́х неви́димо за ны мо́лится Бо́гу,/ Áнгели со архиере́и покланя́ются,/ апо́столи же со проро́ки ликовству́ют:/ нас бо ра́ди мо́лит Богоро́дица Преве́чнаго Бо́га.

Тропарь апостола Анании, глас 3.
Апо́столе свя́тый Ана́ние,/ моли́ Ми́лостиваго Бо́га/ да прегреше́ний оставле́ние/ пода́ст душа́м на́шим.

Кондак апостола, глас 2.
В моли́твах тепле́йший засту́пниче/ и прося́щим скоре́йший послу́шателю,/ приими́ моле́ние, Ана́ние, на́ше/ и Христа́ моли́ поми́ловати ны,/ Еди́наго во святы́х Почива́ющаго.

Тропарь преподобнаго Романа, глас 8.
В тебе́, о́тче, изве́стно спасе́ся е́же по о́бразу:/ прии́м бо крест, после́довал еси́ Христу́/ и, де́йствуя, учил еси́ презира́ти у́бо плоть, прехо́дит бо,/ прилежа́ти же о ду́ши ве́щи безсме́ртней./ Те́мже и со Áнгелы сра́дуется, преподо́бне Рома́не, дух твой.

Кондак преподобнаго Романа, глас 8.
Боже́ственными доброде́тельми ду́ха/ измла́да украси́вся, Рома́не прему́дре,/ Це́ркви Христо́ве пречестно́е украше́ние был еси́:/ пе́нием бо прекра́сным украси́в ю, блаже́нне./ Тем мо́лим тя: пода́ждь жела́ющим Боже́ственнаго дарова́ния твоего́,/ я́ко да вопие́м ти:/ ра́дуйся, о́тче преблаже́нне, красото́ церко́вная.

Прп. Саввы Вишерского, Новгородского. Тропарь, глас 4.
От ю́ности твоея́ весь Бо́гу порабо́тился еси́, блаже́нне,/ и Того́ ра́ди любве́ оте́чество и род оста́вил еси́,/ в пусты́ню всели́вся/ и в ней жесто́кое житие́ показа́в,/ чуде́с дарова́ния от Го́спода прия́л еси́,/ Са́вво преподо́бне,/ моли́ Христа́ Бо́га спасти́ся душа́м на́шим.

Кондак, глас 8.
Оте́чества, преподо́бне, удали́вся/ и всели́вся в пусты́ню,/ и та́мо на столп вшед, иде́же жесто́кое житие́ показа́л еси́,/ и мно́гих житие́м удиви́в,/ отню́дуже дарова́ние чуде́с от Христа́ прия́л еси́,/ помина́й нас, честву́ющих па́мять твою́, да зове́м ти:/ ра́дуйся, Са́вво, о́тче наш.

Празднование в честь Хитона Господня и Столпа Животворящаго. Тропарь, глас 8.
Днесь пра́зднует Свята́я Це́рковь,/ чту́щи Столп Животворя́щий и Хито́н Госпо́день,/ и́же Свет просия́ша во вся концы́ вселе́нныя/ и жи́зни свято́е ми́ро источи́ша./ Сего́ ра́ди Всесвяте́й Богома́тери и ро́ждшемуся от Нея́ Христу́/ покланя́емся во спасе́ние душ на́ших.

Кондак, глас 8.
В Го́рней борьбе́ за мя непобеди́мый помо́щниче,/ Сто́лпе святы́й и Богоосия́нный, мир просвеща́яй,/ я́ко мо́лния освеща́яй Небесноподо́бную пелену́ — свы́ше истка́нный Хито́н Госпо́день,/ украша́яй же воспева́ющия и пра́зднующия торжество́ твое́,/ да́руй сугу́бое озаре́ние и ра́дость пою́щим ти:/ ра́дуйся, Сто́лпе, Бо́гом осия́нный.

Псково-Покровской иконы Богородицы. Тропарь, глас 4.
Днесь све́тло красу́ется Богоспаса́емый град Псков/ и вся страна́ Росси́йская/ прише́ствием Ма́тери Бо́га Вы́шняго/ на избавле́ние гра́да сего́ от ва́рварскаго плене́ния./ Услы́ша плач и сле́зы раб Свои́х,/ ско́ро приклони́ся на мольбу́ к Сы́ну Своему́ и Бо́гу на́шему,/ и моле́нием Свои́м гнев Бо́жий укроти́ и весь мир просвети́,/ и град сей от ско́рби на ра́дость премени́./ О, ди́вному зна́мению,/ ка́ко Пресвята́я Влады́чице прии́де на возду́се и в це́рковь Свою́/ и на забра́ло гра́да Пско́ва/ и призва́ уго́дников свои́х, благове́рных князе́й,/ и поноси́ в лю́дех беззако́ние./ И Свое́ю пречи́стою руко́ю ука́зоваше на пога́наго зла́го ва́рвара/ и его сове́т на разруше́ние./ Возвесели́ся, Богоспаса́емый гра́де Пско́ве/ и все Правосла́вие, име́юще такову́ Засту́пницу непобори́му./ Днесь притеце́м, ве́рнии,/ в дом спаси́тельный Влады́чицы Богоро́дицы,/ све́тло пра́зднуя,/ и ко свято́му Ея о́бразу со слеза́ми припаде́м, вопию́ще и глаго́люще:/ О Всеми́лостивая Госпоже́ Влады́чице Богоро́дцие,/ моли́ся Сы́ну Своему́ Христу́ Бо́гу на́шему/ спасти́ правосла́вныя лю́ди и град сей изба́вити от о́гненнаго запале́ния/ и от нахожде́ния пога́ных и междоусо́бныя бра́ни,/ и спасти́ ду́ши на́ша я́ко Милосе́рдая.

Кондак, глас 8.
Засту́пнице христиа́н, Предста́тельнице гра́ду на́шему Пско́ву,/ услы́ши моли́тву раб Свои́х, Влады́чице Богоро́дице,/ и ско́рым Свои́м прише́ствием светолу́чными заря́ми раб Свои́х возвесели́/ и торжествова́ти устро́и, в беде́ и в се́товании возвесели́,/ и завеща́ во гра́де моли́ти Святу́ю Тро́ицу,/ и Сама́ обеща́ся моли́ти Ю./ О, пресла́вному чудесе́,/ ка́ко Небе́сная Цари́це к земны́м прии́де изба́вити рабы́ Своя́ погиба́ющия./ О, ди́вному зна́мению,/ ка́ко вразумля́юще рабы́ Своя́, ка́ко бы умоли́ти Святу́ю Тро́ицу./ О, Всеми́лостивая Влады́чице Богоро́дице,/ а́ще не бы Ты предстоя́ла, моля́щи за ны,/ кто бы нас изба́вил от толи́кия беды́,/ я́ко не и́мамы ины́я по́мощи и наде́жды, ра́зве Тебе́, Влады́чице,/ Твои́ бо раби́, да не поги́бнем,/ и потщи́ся на умоле́ние раб свои́х при́сно,/ Богоро́дице, чту́щих Тя.